自己都係最近先接觸到長衫，一著就覺得好喜歡、好舒服，而且好有歸屬感。一諗起自己太婆太嫲以前都係咁著，就感動到雞皮疙瘩掉滿地。
一直都好羨慕世界各地其他地方嘅民眾，因為佢地擁有活生生嘅傳統服飾文化；啲人普遍對佢哋嘅傳統服飾都感到驕傲，大時大節甚至日常生活都會著。相反我哋香港，就算有咁美麗嘅長衫文化，就只有電影會睇到。現實生活就彷彿只有籌款節目中頒支票嘅有錢人、長輩娶新抱同七孔流血嘅萬聖節歡狂者先會著。然而普通人認真咁著出街就會俾人嫌老土，或者被挪揄為酒樓知客。
我認為每個香港女仔衣櫃都要有一兩件屬於自己嘅長衫，去約會啊、去飲，或者平時都可以著。等同好多人話「只要係鬼佬著起老西上嚟真係無撚敵」嘅道理一樣，你唔一定要係張曼玉先可以將長衫著得靚，燕瘦環肥，你與生俱來就是會。真係好希望長衫潮流會返嚟，因為呢個先係真正屬於我哋嘅文化。...
See More
Search